Fairview - Ang Layo 'Teh!

Hindi ko na maalala kung nakapunta na ba ako sa Fairview noon. Siguro nga nakapunta na ako para sa isang family obligation pero di ko na talaga maalala. Bihira lang akong mayaya na gumimik ng QC dahil nalalayuan na ako. Sa Pasay ako nakatira, ang malapit sa akin at Makati at iilang istasyon ng LRT 1.

Noong nakaraang linggo, ilang beses na akong kinulit ni Jk na kunin niya akong SM para sa isang raket sa Fairview. Ang sabi ko lang "ang layo! It's Farview!" at times two ang layo sa akin. At siyempre, pinaalala ko rin na nag-aaral ako. Hahahaha.

Hanggang sa hindi na ako makatanggi at bumigay din ako. Pumayag ako na umabsent na lang dahil hindi pa naman ako lumalampas sa absences at patapos na rin ang semester.

Kaya hayun, tatlong araw akong nakitira sa bahay ni Jk sa Malumanay. Unang punta namin doon, nagtaxi kami. Nakatulog ako habang papunta. Pagkagising, wow! Wala pa rin kami sa destinasyon namin. Nakarating naman kami, doon ko na realize na iba na pala itsura ng Fairview at ang layo talaga! Pag-uwi din namin, nakatulog na naman ako sa taxi. Pagkagising ko, binasa ko yung sign sa mga tindahan, pucha, Fairview pa rin! Hahaha. Ang layo. Buti na lang hindi namin naranasan yung matinding traffic.

Pero enjoy ang tatlong araw ko kina Jk kahit hindi kami nakatulog talaga. National Artist for EVA foam na talaga si Jk. National Artists na rin kami for kinder school production kasama si Santi. Hahaha.

Sayang wala kaming picture ng mga kinarir namin props at set. Becky! Humingi ka ng pictures!

Pagkatapos namin sa Fairview, hindi pa kami nagpahinga dahil dumiretso kami ng Mapua para sa prod naman doon. Pero pumasok muna ako ng school para mag quiz, na hindi naman natuloy. Kakainis, nagpa-violation pa ako dahil nakatsinelas lang ako!



Heto ako ngayon, buong araw nang nakaharap sa computer sinusubukan gumawa ng pesteng paper at pesteng report. Pero mas gugustuhin ko pang mapuyat nang dahil sa prod. Sabi nila, mami-miss ko rin ito. Konti na lang talaga, matatapos din ako.