Mataas na Paaralan para sa Sining, sa matulaing bundok ng Makiling

Dahil ginawa na nina Nar, Alvin, Jika, Nina at Santi, gagawin ko na rin. Hahaha. Inggitera ba?

1. saan ka nag highschool?



Sa Philippine High School for the Arts/Mataas na Paaralan para sa Sining. Yung nasa taas ng Boy Scouts. Hindi yung Maquiling High School. Ibang-iba yun!



2. saan ka naka-upo?

Kadalasan sa gilid ako umuupo. Ang katabi ko lagi si Joy-Anne Mikin. Tuwing klase kay Mam Arboleda, shifting kami kung matulog, para at least isa sa amin may notes. Si Eisa din yata naging seatmate ko nung 4th year.



3. ano ng kulay ng ballpen ang lagi mong ginagamit?
Black na My Gel.

4. pala-recite ka ba?
Depende sa subject. Nung Chemistry, tuwing tinatawag ang pangalan ko, nanginginig-nig ang boses ko. Pero kelangan sumagot. Pero nung Physics, lagi na akong tumataas ng kamay. Kapag Arts Theory din lagi akong sumasagot maliban na lang nung Asian Theater na ang pinag-aralan namin.

5. nagpapakopya?

Minsan yata. Wala na akong maalala. Pero may isang beses sa Physics na nag"share" kami ng formula. Yun lang.



6. nag dadala ka ba ng sarili mong papel?
Oo naman. Lagi akong kumpleto sa papel. Meron ako one whole, 1/2 lengthwise, 1/2 crosswise at 1/4 sheet. San ka pa!




8. sino ang pinakaayaw mong teacher?
Wala ata. Parang lahat naman may natutunan ako. Maliban na lang dun sa nagtuturo ng Rondalla. Lagi siyang wala. Ang ginawa niya, inassign kami sa mga musicians para turuan. Kumusta naman ang magtuturo samin, si Rainbow. Na lagi ding wala.




9. eh (mga) pinaka- favorite/s?

Mam Joy Paginado - my gulay lagi akong mataas sa class niya maliban na lang nung Asian theater na si Nina ang nanguna sa amin. Sobrang na enjoy ko talaga ang Arts Theory sa kanya.

Sir Herbie Go - Hay. Sa kanya ko natutunan na kung makikipagkita ka sa ex mo, siguraduhin mong maganda ka para manghinayang siya. Hahaha. Oh di ba. At yung isa pa na lahat ng tao ay hipokrito, iba't ibang lebel nga lang.

Mam Shamaine - sabi niya, ang pinaka mahirap na emosyon na iportray ay ang masaya. Totoo. Tsaka yung mga "It is as if..." na papers na pinapagawa niya, ang sarap mag analyze ng script ng ganun ka lalim, yung tipong duduguin ka.

Sir Botin - Mga wisdoms in life. At hindi ko makakalimutan yung piangrecite niya ako dahil akala niya nakikipagchismisan ako kay Oliver Salonga. Na ang tunay na kaganapan ay si Oliver na ngungulit manghiram ng bolpen. Siyempre ang nerbyos ko nung lumapit ako sa board para i-explain yung quantum numbers na yan! hayun, naka 96 ako sa recitation. Inggit naman si Oliver!









10. pinakaayaw mong classmate/s?
Wala. Lahat naman nagustuhan ko. Lahat nakausap ko. May isa pala akong hate.Pero nakick-out siya. Bwahahahaha.

11. anong subject ang may highest grade mo?

Hindi ko na maalala. PE or VE? hahahaha. Kay Mam Joy ata pinakamataas ko. World Theater 2.

12. lowest subject/s?

English - 78 nung second year, second quarter. Yung topic nun Asian literature. Nakakaloka ang exam ni Mam Palentino. Yung fill-in the blanks na significance ng bawat Chinese dynasty. Eh makakatunog lang naman silang lahat. Nakakaloka talaga. Ang masaklap pa, tulog ako lagi sa class niya. Tapos sinabayan pa ito ng 76 sa Math. hay Sir Estepa. Yung klase niya kasi bago mag lunch break, kaya tulog din ako lagi.



13. sino ang crush mo during those days?

Ahahaha. Kelangan pa bang sabihin yan??? Maliban kay Erwin, marami pa akong naging crush. Alam ko may listahan ako sa mga luma kong notebook/diary. Oh di ba so high school!



14. ano ang theme song mo sa kanya?
Sino? Hahaha. Kissing you ni Des'ree. Yung theme song sa Romeo+Juliet starring Calire Danes and Leonardo DiCaprio. Naks. Tanungin mo ako sa personal kung bakit. May aksyon-aksyon pa akong kasama.




15. fave events?

NCAF, ACAF, mga outreach-outreach: Bicol - na na-lock yung kwarto namin at maraming naganap sa Rosa papunta at pauwi, Nueva Ecija - marami ding mga ho-hum diyan, Casa San Miguel - na nagswimming kami at muntikan na kaming malunod lahat. Siyempre ang ultimate outreach na China! na hanggang ngayon kinukulit ako ng nanay ko na hindi siya nakakita ng picture namin doon.
Parties - bawat party may hindi ako makakalimutan. Kaya ko pang i-enumerate pero masyadong time consuming.




16. saan ang paborito mong place sa klasrum?

Bago nasunog yung cafeteria, doon. Ang saya nun, pagkatapos ng class kami agad unang kakain ng hapunan, kami pa ang makakakuha ng mga tirang dessert.  Nung nasunog na yun, yung basement ng NAC. Maganda kasi talbog ng tunog. Effortless sa projection.



17. natutulog ka ba sa klase?

Oo naman. Maraming beses sa klase ni Mam Arboleda na wala na kaming ginawa kundi matulog at magbilang ng kanyang "Okay". Huwag ka, umaabot yun ng 100+. Ilang beses na rin kay Mam Palentino. Muntikan na kay Sir Botin. Isang beses kay Mam Joy nung MAHABArata ng pinag-uusapan, na ang haba talaga!

18. favorite mo ba ang p.e.?

Pwede na rin. Wala naman kaming ginawa dun kundi maglaro at makipaglaban sa ibang batch sa kung anong sport. Pero mas gusto ko pa rin ang Arts



19. may swimming pool ba kayo sa skul?
Oo. May view ka pa ng ruins ng nasunog na cafeteria.




20. basketball court?
Sa NAC may dalawang basketball rings na kinakaladkad kung may maglalaro. Eh hindi naman talaga ako naglalaro ng basketball. Usually nandun lang ako para tumakbo. I can't shoot a ball to save my life.




21. naisip mo na bang sunugin ang skul niyo?

Bakit naman. Ang ganda-ganda dun.



22. nagprom ka ba?

Hindi. Pero bongga ang bawat party sa school. Three times a year. Patalbugan din ang batches sa mga themes nila. Kami ang founder ng Net-Net School of Set Design dahil bawat party namin may lambat, san ka pa!



24. may nakaaway ka bang teacher?

Wala naman. Pero naalala ko na nagreklamo tungkol sa casting ng recital. Ganun talaga kapag marmai sa batch.



25. ano ang pinakamamimiss mo sa HS?

Yung pagkasimple ng buhay.
Yung mga problema mo lang ay kung crush ka rin ba ng crush mo, kung sasayawin ka niya sa susunod na party, kung may kasabay kang magbreakfast sa umaga, kung gigising ka ba ng maaga para magbreakfast. Kung mataas ba grade mo sa Arts, kung maayos yung directing presentation mo para kay Herbie, kung klaro ba yung objectives mo kay Shamaine. Kung makakakuha ka ba ng extra na dessert, kung ilang batch na ba ang umakyat for lunch, kung makakaidlip ka pa bago mag-Arts. Kung makakapaghomeleave ka,kung may upuan ka na sa Big Bus, kung may damit ka pang susuotin o kelangan mo nang maglaba, kung may utang ka sa Coop at sa cafeteria. Kung bababa ka ba ng LB para mag-ukay, kumain ng McDo at bumili ng Rice in a box. Kung sasabihan mo ba yung roommate mo na kinain mo na yung huling cup noodles niya, kung magluluto ka ba ng instant spaghetti gamit ang heater dahil di masarap ang ulam.

Yung pwede kang magkamali dahil may panahon pang itama ang mga bagay Yung pwede kang magkamali dahil bata ka pa. Yung mga ganung bagay lang naman.